zindgi

Jeene ki har dil ko aas hoti hai
Pyar ki har nazar me pyas hoti hai

Kabhi kachi bastyon me jaa kar dekho
Zindagi kis qadar be libaas hoti hai

Daulat ka nasha buri chiz hai pyare
Yeh sada kab kisi ke paas hoti hai

Gharib bachon ko kamtar na jan'na
Nazar in ki hamdam shanas hoti hai

Un bujhti aankhon ko ghaur se dekhna
Chamak un me ek khaas hoti hai

Woh khushbakht hai ke raat jab tak
Ghar na laute maa udaas hoti hai.