wasiyat

Mere janazay kay baad mujh ko meri qabar may uttar deyna

Meri wasiyat ki laaj rakhna, Mujhay shaheedo sa piyaar deyna

Mohabatoon kay ameen ban kar ya meri pakeeza MAA ki tarha

Tum apnay hathoon say gusal dey kar mere badan ko sanwaar deyna

Meri hatheli pey mehendi rakh kar meri khattao ko bhool jana

Jo moh dekhai ki rasm ho tou kanwal kay phooloon ka haar deyna

Meri Mohabat Tumhay qasam hey kay mere lashay ko sab say chup kar

Tum apnay daaman say dhaanp leyna, mere kafan ko nikhaar deyna

Yeh mere ashaar, meri nazamein tumhari chahat ka aaina hain

Inhay tum aankho kay paas rakh kar taraptay dil ko qarar deyna

Kabhi waysay hi jo yaad aaou tou meri tasveer ko uttha kar

Mujhay mohabat say choom leyna, Mujhay khizaan may bahaar deyna