Aag hi kash lag gayi hoti
Do ghari ko tou roshni hoti
Log miltay na jo naqaaboon may
Koi soorat na ajnabi hoti
Pouchtay jis say apna naam, aeysi
Sheher may aik tou galli hoti
Baat koi kahan khushi ki thi
Dil ko kis baat ki khushi hoti
Mout jab tere ikhtiaar may hey
Mere qaboo may zindagi hoti
Mehak utthta nagar nagar
Dil ki khushboo agar urh'hi hoti

Mere ghar tak usse aane me barhi der lagi
yaar ko yaar bana-ne me barhi der lagi

uske raaste me bichaye kabhi apni aankein
Phir kahe jakar utthi un pe nashilee aankein
Dheep se dheep jalane me barhi der lagi

Uski tehreer pe ek umer guzari me ne
Bazi jeeti magar dil,zindagi haari me ne
Phool se phool ughaane me barhi der lagi

Jaagti aankh me raksaa rehte sapne uske
Me fakat gher tha baki sab apne uske
Haal-e-dil usko suna ne me barhi der lagi

Dekh lo usko to mit jaye nighaaun ki thakkan
Narm nazak hai ghulaabun ki tarha uska badan
Usko bahun me chupaane me barhi der lagi

Ek be-rehem udaasi meri taqdeer hoye
Ghum ki jalti hoye rut khawb ki tahbeer hoye
Yaar k zakhm mitaane me barhi der lagi

Uski khwaesh me mujhe aadhi saddi rona parha
Uska ban-ne k liye khawb mujhey bhuna parhaa
Rabta os se barhane me barhi der lagi

Mere ghar tak usse aane me barhi der lagi
yaar ko yaar bana-ne me barhi der lagi



Tum Mujhe bhool bhi jao tou yeh haq hai tumko
Meri baat aur hai meine tou muhabbat ki hai

khwab

Apni Zindagi Kay Khobsorat Safer May
Palkon Kay Nechay Dill Kay Nagar May

Mujhe Hamesha Apnay Dill May Rakhna
Yaad Rakhna Mujhe Apni Her Yaad May

Her Soch May Apnay Her Khayal May
Har Khuwab May Apni Her Baat May

Mujhe Hamesha Apnay Dill May Rakhna
Yaadon May Rakhna,Apni Batoon May

May Rahon Ya Na Rahon .....
Mujhe Hamesha Apnay Dill May Rakhna





Tum Mujhe bhool bhi jao tou yeh haq hai tumko
Meri baat aur hai meine tou muhabbat ki hai

dard bharaa nagmaa

Dard bharaa nag'maa hoon mujhay na gun-gunanaa tum,

tutaa hua khwaab hoon main mujhey bhool janaa tum.

dard ki manind mujhey dil main chhupa lenaa tum,

aansoon ki tarha mujhey aankh say na bahanaa tum.

yeh zakham mere paas tere pyar ki nishaani hai,

bhool kar bhee in par na marham laganaa tum.

jab kabhi tum tanha ho aur meri yaad satati ho,

bewafa hoon main yahi apney dil ko samjhanaa tum.

mera kya hai ek roz jahan say rukh'sat ho jaungaa,

mere baad na aankho say moti bahanaa tum.

tere bina jinda laash hoon mujhey koi ehsaas nahi,

chhukar mere jism ko koi nayi aas na jaganaa tum.

jo khushi sapney aur umeedain dee theen tum nay,

kasam tumhey unki unko bhee saath le janaa tum.

tere ghar kay deepak main jal raha hai meraa wajood,

bhool kay bhee na samjh'naa mujhay beganaa tum.

mere paas kanto bharay gulaab ke sivaa kuch bhee nahi,

usse bhool kar bhee seenay say na laganaa tum.